Andrea Parodi - No potho reposare

No potho reposare, amore ‘e coro,

pensende a tie so donzi momentu;

no istes in tristura, prenda 'e oro,

ne in dispiachere o pensamentu.

T'assicuro chi a tie solu bramo

ca t'amo forte t'amo, e t'amo, e t'amo.

Si m’esseret possibile d’anghelu,

s'ispiritu invisibile picabo

sas formas e furabo dae chelu

su sole e sos isteddos e formabo

unu mundu bellissimu pro tene,

pro poder dispensare cada bene.

No potho biver, no, chena amargura

lontanu dae tene, amadu coro.

A nudda balet sa bella natura

si no est a curtzu su meu tesoro,

e pro mi dare consolu e recreu

coro, diosa amada prus de Deus.

T'assicuro chi a tie solu bramo

ca t'amo forte t'amo, e t'amo, e t'amo.