Anema nera lyrics

Stavota, siente a me, te si' sbagliata.

Tu si' felice? E io cchiù felice 'e te.

Mm'aggio truvato n'ata 'nnammurata,

chella ca overamente fa pe' me.

Cchiù bella 'e te,

no, nun è nata ancora,

ma è 'nnammurata e sòra

chesta ca sape chiagnere.

Bella nun è,

ma è n'anema sincera.

Cride ca tutte tènono

n'anema nera

comm'a te.

E comme chiagne 'a 'nnammurata mia

quanno mme vede 'e ridere accussí.

Mm' 'a legge dint' 'o core 'sta buscía

e nun perdona a chi mme fa suffrí.