Sognando [Venetan translation]

Stago eà, sentà e perso

Co 'na baréta soa fronte

E robe strane che me passa

paea testa...

Gavarìa vògia de sigàr,

ma no capisso a cossa che serva

Po' tuto a un trato pianxo un fià

E rido come se fusse un xògo...

Se sento voxi no rispondo

Vivo so un mondo strano

Dove che ghe xe pochi problemi,

Dove che ea xente no ea ga règoe...

Ahi ahi ahi ahi

No gò futuro, né presente

Mi vivo dèsso par sempre

El me passà par mi el xe

distante...

Gò tuto queo che me serve,

Gnanca el mar coi so tesori

Ga chee robe che sogno mi

E no capisso parcossa che pianxo...

No so cossa che sia l'amor

E no conosso el baticuor,

Par mi 'e dòne e xe

Quee che me vien drìo e me sostién...

Ahi ahi ahi ahi

Ma ogni tanto sento che

'E sate nere dea nòte

Me fa far robe

Miga bèe...

Tuto so un bòto sento chea voxe

E qua scominsia ea me croxe

Vorìa desmentegar e ricordar

Me xe drìo pa s-ciopar ea testa...

E spaco tuto queo che trovo

E provo a farla finìa

Tanto par mi no ghe xe speransa

De vegner mai fòra da sta stansa...

Ahi ahi ahi ahi

Sóra un letìn che sigoea

So sto posto alucinante

Serco spesso de svoear

nel céo...

No so che mal posso far

Se serco soeo de svoear

Mi no capisso i me guardiani

Parcossa che i me liga e man

E a tuti i costi i vól che

Me meta un càmese par mi

Spenxo forte i brassi indrìo

E a sto ponto piano sempre

Ua ua uaua

Dio bon, che bordèo

E che bèa visión

'Na ombra ciara me passa

pa'l sarvèo...

Dèsso me mordo forte 'e man

E pa un atimo me ricordo

Che tempo fa, forse gnanca massa indrìo

Qualchedun me dixeva "te vògio ben"

Co un adìo xe sparìa ea voxe

Ea paxe ea xe entrà sol cuor

E xe cussì che da chel dì

stago sentà imòbie qua...

La la la la.