Ciao pà [German [Austrian/Bavarian] translation]

Ii bin's wäi gäidsdä?

I' ruf di' vo' dou,

vonneräm Hodellzimmä oo.

Doud mä laid, dassädi scho' suu lang

nimmä oogruufn hob,

obbä du kennsdmi ja,

i denk obbä ofd an diiech,

ganz arch, sou wäi edzäd.

Miä gäids goud, fraali,

i hob groud äboa Wegglä gessn

und rou' mi' edz äweng aus.

Di' Ärwäd läffd äsuu dähie,

ajedä redd vonnerä Griesn,

obbä iich gieb ned nouch, naa,

machdä kanne Gedangn,

i kumm scho' z'reechd.

Sei beruichd, I gib mi scho' ned

mid dennä Maadlä ab, wou du "schlechde Gsellschafd" nennsd

vo' dennä haldämi fänn,

Ge', du wassd doch, dassi oobachdgieb,

dassämä kanne vo' denne Grankheidn hull.

Obbä jaa, fraali foari vursichdi,

du vägissd, dassi

jedn Dooch äweng äwaxnä werr.

Wanni kumm?

Noja, villaichd End' des Monads aferan Schbrung,

obbä es iss nunni gwiess, schau,

i bin momendan äweng gnabb bei Kasse,

i hob aboä Ausgoom g'habd

in ledzdä Zeid.

Edz reech di' doch ned glei äsu aaf,

i schmeis ja mei Geld schliesli ned zum Fensdä naus!

Edz häär obbä aaf

mid deinä Breedichd,

sunsd leechi auf!

Wennämi ned daisch, had aa diiech

in meim Aldä

kannä aafhaldn keenä.

Sooch edz ned, des woän andere Zeidn,

und fang ned immä widdä mid deine aldn Gschichdn oo!

Des dou is mai Zeid,

obbdä des edz bassd oddä ned,

des is mei Leem,

und i gäi main Weech

weidä bis zum End.

I hob doch grood äschd oogfangd.

Du hasdmä xachd, ii soll diich väschdäi,

edzöd sooch iich es sell zu diä.

I waas ned, wossädä edz nu soong soll,

bis ball, addee... addee Babba.