Անդրանիկ Զորավար [Andranik Zoravar] lyrics

Հազար լեզու, հազար բերան կերգեն քեզ,

Հազար խնջույք թասերն առած կօրհնեն քեզ,

Հրե կամուրջներն ես անցել հողմի պես:

Դու սլացար շանթերի դեմ մահաբեր,

Մեր տան հույսի Դավիթ էիր ու Մհեր:

Հուշարձանդ են լեռ ու սար,

Քեզ կհիշեն դարեդար,

Քո հոգին հրավառ,

Անդրանիկ զորավար:

Հազար որբի դառն արցունքն ես դու սրբել,

Հազար մոր վիշտ գաղթի ճամփին ամոքել,

Քո թշնամու մոր ու մանկան խղճացել:

Հավք ու հովեր անուշ տաղեր կհյուսեն,

Քաջիդ գովքը աստղերն անգամ կլսեն:

Հուշարձանդ են լեռ ու սար,

Քեզ կհիշեն դարեդար,

Քո հոգին հրավառ,

Անդրանիկ զորավար:

Քո Աշոտը սարերում քեզ տեսել է,

Էն օրերում խրոխտ ձայնդ լսել է,

Քո պատկերն իր սուրբ օջախում պահել է:

Քանի-քանի օջախի լույս ես վառել,

Վիշտ ու կսկիծ սրտիդ առել ու տարել:

Հուշարձանդ են լեռ ու սար,

Քեզ կհիշեն դարեդար,

Քո հոգին հրավառ,

Անդրանիկ զորավար: