Buòno Natale! [Italian translation]

Teresì, buòno Natale!

Pènza, oinè, ca ‘o Bammeniéllo

fàttose òmmo è tale e quale

cómm’ a ll’ate, grussiciéllo,

‘ncòpp’o munno scellarato,

sènza fa’ male a nisciuno,

secutato e maltrattato,

‘ncróce, oi né, jètte a fernì!

E ‘st’esèmpio ca te pòrto,

Teresì, tiènelo a mmènte,

ca pur’io, ‘nnucentamènte,

chi sa cómme aggia murì!

Nun vuo’ sèntere ‘sta vóce

ca piatà, piatà te cérca:

e mme staje mettènno ‘ncróce

cómm’o pòvero Giesù…

Ma io nun so’ fatto e ‘mpastato

cu ‘sta pasta, mò nce vo’:

Isso , sèmpe sia ludato,

Isso nasce ògn’anno: io nò.