La Foule [Latin translation]

Urbem deliram recordor festivitatem agentem,

ob solem laetitiamque suffocantem

et inter harmonias clamores risusque audio

quae circum me erumpunt resiliuntque.

Errabunda vero in media turba, ab ea pulsata,

vertigine percussa, turbata hic remaneo.

Cumque repente convertor dum ille recedit

inter brachia eius turba me propellit.

A turba iactati quae nos trahit

vel abstrahit

ad alterutrum pressi

in singulo corpore fundimur,

fluctusque facile

nos invicem vinctos propellit

nosque ambos relinquit

exultantes, ebrios, ac felices.

A turba iactati quae prorumpit

effrenatamque

saltatorum catenam init,

manus nostrae coniunctae manent,

interdumque subrepta

corpora nostra colligata evolant

reciduntque ambo

exultantia, ebria, ac felicia.

Gaudium vero eius risu proiectum

me transfodit et in imo corde meo resilit.

Repente tandem inter inter risus eiulo

cum turba a brachiis meis illum eripuit.

A turba iactati quae nos trahit

vel abstrahit

nosque ab alterutro arcet,

adversor meque iacto.

Sonus tamen vocis illius

aliorum risibus superatur,

atque propter dolorem, furoremque, rabiemque vociferor

fleoque.

A turba iactati quae prorumpit

effrenatamque

saltatorum catenam init,

longe abripior

pugnumque comprimo dum turbam exsecror quae a me subripit

virum quem mihi dederat,

quem nunquam repperi.