Añoranzas lyrics

Santiagumanta llojsispa,

túcuy ñanta huackarani,

imájchu máa yacharani,

imatachuscka niscayquish

sonckoycka can ancha sinchi,

chá punchau llampuyarani.

Ashpa munasckay sackespa

ranchu nacerani chayta

ancha súmaj cáusaj cayta

ancha cusicus cantaspa.

Cunancka layat huackaspa

cahuanquish crespín inata.

Ancha caru ni ashca huatas

mana aterancu ni aicapas

anchúchiyt yuyayniytapas

ckonckasunayta munaspa,

¡y Santiago ancha munásckayt

quebrachalesniyquitapas!

Ckayaman na huañupteycka

y pillapas yuyaaspacka

niyquish paisanusniytacka

churanaspacka Gloriapi

huajtaychis yuyas nockapi

cá doble cantasckaytacka.

Chá horas llaquicusckaypi

pensajmi churácoj cani

ckonckaytacka imainami

cá huaquin paisanusneycka

ranchu, mama, huaucke, tata

laya facilta nej cani.

Santiagueñu mana cancka

churacojcka rúas chayta,

chacarerat despreciayta

chá importaosta munayta:

chay can ckaay humillasckata

razaychis campesinuyshta.

Ckayna tuta almohadayta

ockosckata tarerani,

máa yachani mosckorani

o llijchasckash huackarani,

pero yuyani ckaasckayta

ranchu nacerani chaypi.

Tal vez camposantupecka

máa tían lugar nockápaj

niyquish paisanusniytacka

manáraj tiempo chayaptin:

chockaachis chacká pampapi,

pero nacerani chaypi.