أهلا بهالطلة أهلا [Ahla Behattale Ahla] lyrics

أهلا بهالطلة أهلا

أهلا بهالعين الكحلا

ضحكتلك وردات الدار

وقالتلك أهلا وسهلا

أهلا بورودك .. أهلا

طلعت ع خدودك .. أهلا

ياحبيّب كرمال وجودك

حبيت الدنيا وأهلا

ضحكتلك ارض بلادي

من شواطيها لروابيها

ورفوف الطير الشادي

بتهللك بغنانيها

وجراس الضيعة تنادي

بقلب الوادي وتصحيها

وكل وادي تجاوب وادي

وتبشرها وتهنيها

ع الدبكه صفوف .. رفقتنا

مجوز وكفوف .. لادقتنا

ندبك ونطوف ساحتنا

وعلى زقفتنا وعلى دقتنا

وتميل كتاف .. مايانه

وخصور نحاف .. نحلانه

وعلى مليتنا وعلى زقفتنا

وعلى دقتنا نغني أهلا

هالطله يابو سمرا

نعمة الله اللي استنظرنا

سكرتنا بأحلى خمره

من كرمتنا ومعاصرنا

رفقتنا بأول عمرا

ياما حلمنا وتذكرنا

ليالينا بضو القمرا

ياما مشينا وياما سهرنا

والبدر يطل .. على مهلو

يضحك ويهل .. على اهلو

وقلوب الكل تندهلو

وترتللو وتهللو

وابو سمرا عاد .. يسعدنا

واحلا الأعياد .. عيدنا

ليالي القمره تجدد عمرا

صبو الخمره وقولو أهلا