حسدتنا العالم [Hasadetna Elallam] lyrics

وديع

هيهات يا ام الزلف

عيني يا موليّا

ما ببدلك يا ضيعتي

بكل المدنيّة

سلوى يا بسمة أمل

ع شفاف ضيعتنا

لما صباكي اكتمل

نويتي ع فرقتنا

بحقولنا طاب العمل

ضلك برفقتنا

ضياعنا ما بتنهمل

جنة طبيعية

صباح

بضياعنا غير التعب

والشغل ما عنا

قلبي للمدينة انوهب

الفيها الحلا غنى

اليوم الزمان انقلب

وكلنا منتمنى

نلبس حرير وقصب

وفساتين مكوية

حسدتنا العالم حسدتنا

على ضيعتنا وشو ضيعتنا

ورد وفَي وخضره ومَي

ما في أحلى من عيشتنا

يا حياتي على ضيعتنا

صباح

لا التفاحة ولا الزيتونة

عن هالسفرة رح يغنوني

أهلي شهادة ما عطيوني

تا يودوني على حقلتنا

وديع

اليوم الضيعة غير الماضي

العايش فيها باله فاضي

المي عم بتروي هالأراضي

الكهربا وصلت على خيمتنا

يا حياتي على ضيعتنا

صباح

كله هيدا مش نافعني

ولا عم بفهم شو عم تعني

بدي إرحل لا تقنّعني

تبقى سلّم على ضيعتنا