Faceva il palo

Faceva il palo nella Banda dell’Ortiga,

ma l’era sguèrcc, el ghe vedeva quasi pù,

e l’è staa inscì che j’hann ciappaa sènza fadiga,

j’hann ciappaa tucc, ma pròppi tucc, foeura che lù.

Era lì fisso che scrutava nella notte,

quand gh’è passaa pròppi davant a lù ’n polee,

insèmma a on ghisa, trii caramba e on metronotte,

gnanca ona piega lù l’ha faa, gnanca on plissé.

Faceva il palo nella Banda dell’Ortiga,

faceva il palo perchè l’era el sò mestee.

Istess precis compagn de quèi de la maschèrpa

hinn restaa lì i sò amis, in del vedè i polee.

Hann dii: «Ma come! Brutta loeuggia, vacca pòrca,

ma el nòster palo, ’sto pistòla, indove l’è?»

Era lì fisso che scrutava nella notte,

l’ha vist nagòtta ma in compens l’ha sentuu nient;

perchè vederci non vedeva un’autobotte,

però sentirci, el ghe sentiva on accident!

Faceva il palo nella Banda dell’Ortiga

faceva il palo con passione e sentiment.

Ci sono stati pugni, spari, grida e botte,

j’hann menaa via che l’era già quasi mezzdì;

lui sempre fisso lì a scrutare nella notte,

el ghe vedeva istèss de nòtt comè del dì.

Ancora adesso è lì che scruta nella via,

la gent le ved, ghe da on cent lira e poeu la va,

lui, circospetto, el varda in gir, poeu je mett via,

e poeu el borbòtta perchè ormai l’è on poo incazzaa.

A l’è incazzaa contra la Banda dell’Ortiga,

perchè lù el dis che se fa minga inscì a robbà.

El dis: «Ma come! A mì me lassen chì de foeura

e lor, le sa el Signor quand l’è che vegnen su,

e poeu el bottino me le pòrten su a cènt lira

on tòcch per vòlta, a fà inscì finissom pù!

Ah, nò, quest chì l’è proppi on lavorà de ciolla;

mì sont on palo, minga on pippa, a ghe stoo pù,

mì vegni foeura de la banda de pistòla,

mi metto in proprio, inscì almen ghe pensi pù.

Mì vegni foeura de la Banda dell’Ortiga,

sì minga bun, che vaghen a dà via ’l cuu!»

Ma che vaghen a dà via quèl che voeuren, va!

Ma mì, con sta banda de pirla, ma nanca pitturaa.