Roberto Murolo - Desiderio 'e sole

E comm'è scuro 'o cielo 'e 'stu paese!

'E nnuvole cchiù nere stanno ccà!

'A primmavera nosta è 'n'ata cosa!

Chi sta luntano, nun s' 'a pò scurdà!

'O sole,

È bello 'o sole!

Ca vene, t'accarezza e se ne va!

Ammore, ammore mio,

'Sta pucundria m'astregne 'o core.

Sentesse maje pe' ll'aria 'na canzona,

Sentesse maje 'na voce ca vò bbene!

Ammore, ammore mio,

P' 'a nustalgia io me ne moro!

Spuntasse maje 'nu sciore a 'stu paese!

Che desiderio 'e sole!

Che spacca 'e pprete e 'nfoca tutt' 'e ccase!

'O juorno ca me scrive 'na parola

E ca me daje 'a speranza 'e te vedè,

Dint'a 'stu cielo niro sponta 'o sole

Ca vene e dà calore 'mpiett' a me!

'Stu core,

'Stu scemo 'e core

S' 'a passa sempe a chiagnere pe' tte!

Ammore, ammore mio,

'Sta pucundria m'astregne 'o core.

Sentesse maje pe' ll'aria 'na canzona,

Sentesse maje 'na voce ca vò bbene!

Ammore, ammore mio,

P' 'a nustalgia io me ne moro!

Spuntasse maje 'nu sciore a 'stu paese!

Che desiderio 'e sole!

Che spacca 'e pprete e 'nfoca tutt' 'e ccase!