Être prêtre et aimer une femme [Armenian translation]

Ես երջանիկ մարդ էի նախքան քեզ ճանաչելը,

Ես ամեն բան ճնշել էի հոգուս խորքում,

Խեղդել էի կիրքն իմ պատանի տարիքում,

Եվ ունեի լոկ երկու տիրուհի՝ կրոնը և գիտությունը:

Ո՜հ, լինել քահանա և սիրել կնոջ,

Սիրել նրան ողջ կրքով քո հոգու...

Անհողդողդ էի ես քամու և ալիքների հանդիման,

Ուղիղ և հպարտ՝ տաճարի աշտարակի պես,

Երբ դու եկար՝ որդի պես կրծելու ինձ ներսից

Եվ արթնացնելու ներսումս կրակը հին հրաբխի:

Ո՜հ, լինել քահանա և սիրել կնոջ,

Սիրել նրան ողջ կրքով քո հոգու...

Ես ապրում էի կանանցից հեռու՝ մարմնիս մեջ ձախկված,

Երբ խոր գիշերում դա պատահեց որպես մի կայծակ:

Աղոթքս թողած՝ ես բաց արի պատուհանս

Այն օրվան, որ բացվում էր տեսնելու քո հայտնվելը:

Ո՜հ, լինել քահանա և սիրել կնոջ,

Սիրել, այո՛, սիրե՛լ նրան ողջ կրքով քո հոգու...

Ո՜հ, լինել քահանա և սիրել կնոջ...

Գուրգուրի՛ր ինձ քո ձեռքով, մյուսով տանջի՛ր,

Քավե՛լ տուր ինձ իմ մեղքը:

Դժոխքն, ուր գնալու ես, կգնամ և ես,

Եվ դա իմ դրախտը կլինի:

Ո՜հ, լինել քահանա և սիրել կնոջ,

Սիրել, այո՛, սիրե՛լ նրան ողջ կրքով քո հոգու...

Ո՜հ, լինել քահանա և սիրել կնոջ...

Կնոջ...