سر حبي [Sirr Hobbi] [Transliteration]

سر حبي فيك غامض سر حبي ما انكشف

إيش اللي خلاني اعشق فيك و العشق كلف

ايش أوقعني في اشباكك وأنا عيني تشوف

لا تعذبني وإلا .. سرت وتركت المكلا لك .. إذا ما فيك معروف

واجهتنا خلف بعد العصر والحاسد خلف

والهوى يجري حوالينا يلف الموج لف

و الجبل من فوقنا يشهد وتشهد لي الكهوف

لا تعذبني وإلا .. سرت وتركت المكلا لك.. إذا ما فيك معروف

كل واحد مننا ماسك من السكة طرف

لا هدف لي فيك يظهر لي .. ولا لك شي هدف

وانتهى المشوار كله ما تلامسنا الكتوف

لا تعذبني وإلا .. سرت وتركت المكلا لك .. إذا ما فيك معروف

انت تحفة صاغها الرحمن من أحلى التحف

انت في الدنيا قضية ما تحملها ملف

وانت أحلى اسم في قلبي "رباعي" الحروف

لا تعذبني وإلا .. سرت وتركت المكلا لك.. إذا ما فيك معروف

حبك استولى على قلبي وحملني كلف

حب أحرمني منامي ما اغمضت للعين دف

حب مهما لك وصفته عنه يعجزني الوصوف

لا تعذبني وإلا .. سرت وتركت المكلا لك .. إذا ما فيك معروف