Luciano Pavarotti - A Mmarechiaro

Quanno spónta la luna a Mmarechiaro,

pure li pisce nce fanno a ll'ammore.

Se revòtano ll'onne de lu mare,

pe' la priézza cágnano culore.

Quanno spónta la luna a Mmarechiaro!

A Mmarechiare ce sta na fenesta:

la passiona mia ce tuzzuléa.

Nu garofano addora 'int'a na testa

passa ll'acqua pe' sotto e murmuléa.

A Mmarechiare ce sta na fenesta!

ah, ah, ah, ah, ah, ah, ah, ah

Chi dice ca li stelle só lucente,

nun sape st'uocchie ca tu tiene 'nfronte.

Sti ddoje stelle li ssaccio i' sulamente,

dint'a lu core ne tengo li ppónte.

Chi dice ca li stelle só lucente?

Scétate, Carulí, ca ll'aria è doce.

Quanno maje tantu tiempo aggi'aspettato?

P'accumpagná li suone cu la voce,

stasera na chitarra aggio purtato.

Scétate, Carulí, ca ll'aria è doce!

Ah, ah, ah, ah, ah, ah, ah, ah