Haitian National Anthem [English translation]

Pou Ayiti peyi Zansèt yo

Se pou n mache men nan lamen

Nan mitan n pa fèt pou gen trèt

Nou fèt pou n sèl mèt tèt nou

An nou mache men nan lamen

Pou Ayiti ka vin pi bèl

An nou, an nou, met tèt ansanm

Pou Ayiti onon tout Zansèt yo.

Pou Ayiti onon Zansèt yo

Se pou n sekle se pou n plante

Se nan tè tout fòs nou chita

Se li k ba nou manje

Ann bite tè, ann voye wou

Ak kè kontan, fòk tè a bay.

Sekle,wouze, fanm kou gason

Pou n rive viv ak sèl fòs ponyèt nou.

Pou Ayiti ak pou Zansèt yo

Fo nou kapab vanyan gason

Moun pa fèt pou ret avèk moun

Se sa k fè tout Manman ak tout Papa

Dwe pou voye Timoun lekòl

Pou yo aprann, pou yo konnen

Sa Tousen, Desalin, Kristòf, Petyon

Te fè pou wet Ayisyen anba bòt blan.

Pou Ayiti onon Zansèt yo

Ann leve tèt nou gad anlè

Pou tout moun, mande Granmèt la

Pou l ba nou pwoteksyon

Pou move zanj pa detounen n

Pou n ka mache nan bon chimen

Pou libète ka libète

Fòk lajistis blayi sou peyi a.

Nou gon drapo tankou tout Pèp.

Se pou n renmen l, mouri pou li.

Se pa kado, blan te fè nou

Se san Zansèt nou yo ki te koule

Pou nou kenbe drapo nou wo

Se pou n travay met tèt ansanm.

Pou lòt, peyi, ka respekte l

Drapo sila a se nanm tout Ayisyen.