Fairuz - يا كرم العلالي [Ya Karm El Alaly]

وليم حسواني:

هيدي السلة سلة عليا لكن عليا وين؟

البنات:

عشقانة هالعين وفيئها وما بتعقد ع العين

وليم:

ومنسألها وين كان بعدا ما عمرها بتقرّ

البنات:

دايماً هيك بتبقى وحدها، مدري شو هالسرّ

أنا بقول عم تتغرّب

أنا بقول راحت تشرب

وليم:

أنا بقول هون النبعة

بدّا تشرب هون أقرب

البنات:

قولك في قصة بتتخبّر؟

وليم:

هذا شي معروف

البنات:

لا تلوموا الغايب تا يحضر

وليم:

ت ترجع منشوف

البنات:

شو عم بتقولوا؟

وين كنتِ؟

بكروم اللولو

شو جبتي

فيروز:

إسوارة حلوين احجارها

البنات:

كيف جبتِ هالإسوارة؟

فيروز:

هي من كرم العلالي اللي عناقيده جواهر

البنات:

هلق كرم العلالي صار يسوّي أساور؟

***

يا كرم العلالي عنقودك لنا

ويا حلو يا غالي شو بحبك أنا

يا كرم العلالي عنقودك لنا

ويا حلو يا غالي شو بحبك أنا

عالنهر التقينا وما قلنا لحدا

وتركنا عينينا تحكي عالهدا

عالنهر التقينا وما قلنا لحدا

وتركنا عينينا تحكي عالهدا

سمعني حكي قالي شو بكي

وطلعلي البكي يا دلي من كتر الهنا

يا كرم العلالي عنقودك لنا

ويا حلو يا غالي شو بحبك أنا

عالدرب الطويلي وداني الهوى

بإيدو وميلي تا نمشي سوى

عالدرب الطويلي وداني الهوى

بإيدو وميلي تا نمشي سوى

صرت بلا وعي شي يقلي تعي

وشي يقلي ارجعي والدنيي عرفت شو بنا

يا كرم العلالي عنقودك لنا

ويا حلو يا غالي شو بحبك أنا

واعدني حبيبي لم بدو يجي

بأسوارة غريبي و عقد بنفسجي

واعدني حبيبي لم بدو يجي

بأسوارة غريبي و عقد بنفسجي

واعدني بقمر وبشوية صور

وباعت لي خبر بيقلي الموسم عالجنا

يا كرم العلالي عنقودك لنا

ويا حلو يا غالي شو بحبك أنا

يا كرم العلالي عنقودك لنا

ويا حلو يا غالي شو بحبك أنا