Deus ti salvet Maria [Spanish translation]

Deus ti salvet, Maria

chi ses de gratzias prena,

de gratzias ses sa vena

e i’sa currente.

Su Deus Onnipotente

cun tecus est istadu,

pro chi t’at preservadu

immaculada.

Beneita e laudada

supra totus gloriosa,

Mama, Fiza e Isposa

de su Segnore.

Beneitu su fiore

chi est fruttu de su sinu,

Jesus, Fiore Divinu,

Segnore nostru.

Pregadelu a Fizu ‘ostru

chi totus sos errores

a nois sos pecadores

nos perdonet.

E i’sa gratzia nos donet

in vida e in sa morte,

e i’sa diciosa sorte

in Paradisu.