Caruso [Venetan translation]

Qua dove che el mar el slusega

E tira forte el vento

Sora 'na vècia terassa, de fronte al golfo de Sorento

Un omo strenxe 'na fia

Dopo che ea gaveva pianto

Po' el se s-ciara ea voxe e riscominsia a cantar.

Te vògio davero ben

Ma tanto tanto ben, ti sa.

Xe 'na caéna ormai

Che fa' sioglier el sangue drento 'e vene, ti sa

El ga visto i ciari in mexo al mar

El ga pensà ae noti eà in America

Ma 'e gèra soeo che 'e lampare

E ea bianca spuma de 'na elica.

El gà provà el doeor nea musica

El se ga alsà dal pianoforte

Ma quando ch'el ga visto ea euna vegner fora da 'na nuvoea

Ghe ga paresto più dolse anca ea morte

El ga vardà drento i oci ea fia

Chei oci verdi come el mar

Po' tuto a un trato, ghe xe vegnesto fòra 'na lagrema

E eo el ga credesto de negarse.

Te vògio davero ben

Ma tanto tanto ben, ti sa.

Xe 'na caéna ormai

Che fa' sioglier el sangue drento 'e vene, ti sa

Potensa dea lirica

Dove che ogni drama xe finsiòn

Che co un fià de parecio e coi gesti

El pol deventar n'altro.

Ma do oci che te varda

Cussì vissìni e veri

I te fa desmentegar 'e paròe

E i te confonde i pensieri

Cussì tuto xe deventà cèo

Anca 'e noti eà in America

Ti te giri e ti vedi ea to vita

Come ea spuma de na elica

Ah sì, xe ea vita che finisse

Ma eo no ghe ga pensà miga massa

Ansi, el gèra contento

E el ga riscominsià a cantar.

Te vògio davero ben

Ma tanto tanto ben, ti sa.

Xe 'na caéna ormai

Che fa' sioglier el sangue drento 'e vene, ti sa.