Bae Luna [Spanish translation]

Istanotte bid’apo in su sonnu

su chelu luchente

de bramas de affetu comente

sa luche ’e su coro.

Bid’apo pitzinnos

jocande in gurutos

e in pratas de sole.

E a zaja in sa janna

a murmutu, filande

iscarpitas de lana,

e a mama, galana, cosinde

coritos chin filos de brama.

Bid’apo pasteras, funtanas,

puzones a pore

in ramos de méndula in frore

e isposas cantande in su ribu.

Bae luna,

allùghemi sa vida.

Bae luna,

allùghemi su coro.

Diat èsser bellu, luna

inoche a morrer goi.

Bid’apo betzeddos

in foras, contande

de cando, pitzinnos a tzarra,

andaban a mura

in fatu ’e sos rubos,

paschende in campuras

cabaddos e zubos

e sonnios de gloria.

Bid’apo - l’ammento a memoria -

su mundu pitzinnu, serenu,

tranchillu.

Prenande sa broca

de s’abba colada

bid’apo cumpanzos corales

chi como non sun.

Bid’apo

ghirande, a s’intrìghinu, a babbu,

in artu, in su carru,

tra sèghedes d’oro,

de bràssamu tintu,

sa cara luchente ’e sudore,

alligru e serenu,

cantande a murmutu

cantones de pache e d’amore.

Bae luna,

allùghemi sa vida.

Bae luna,

allùghemi su coro.

Diat èsser bellu, luna

inoche a morrer goi.

[Cuncordu:]

Mama nostra

de sos chelos

amparade nos in terra

como e semper goi.