Procurade 'e moderare [English translation]

Procurade 'e moderare,

barones, sa tirannìa,

Chi si no, pro vida mia,

Torrades a pe' in terra!

Declarada est ja sa gherra

Contra de sa prepotentzia,

E incomintzat sa passentzia

ln su populu a mancare.

Barones, sa tirannìa

procurade 'e moderare,

procurade 'e moderare

Mirade ch'est atzendende

Contra de 'ois su fogu;

Mirade chi non est giogu

Chi sa cosa andat a veras.

Mirade chi sas aeras

Minetan temporale,

Zente cunsizada male,

Iscurtade sa 'oghe mia.

Procurade 'e moderare,

barones, sa tirannìa,

barones, sa tirannìa.

Custa, populos, est s'ora

D'estirpare sos abusos!

A terra sos malos usos!

A terra su dispotismu!

Gherra, gherra a s'egoismu!

Gherra, gherra a sos oppressores!

Custos tirannos minores

Est pretzisu umiliare.

Barones, sa tirannìa

procurade 'e moderare,

procurade 'e moderare.

Si no, carchi die a mossu

Bo'nde segades su didu.

Como ch'est su filu ordidu

A bois toccat de tessere.

Minzi chi poi det essere

Tardu s’arrepentimentu.

Cando si tenet su bentu

Est pretzisu bentulare.

Barones, sa tirannìa

procurade 'e moderare,

procurade 'e moderare.