Ammore 'e femmena [Italian translation]

Me vuò dà 'a 'ntennere,

M' 'o vvuò fà credere

Ca me vuò troppo bbene,

Ca, nun vedennome,

T' 'a passe a chiagnere,

Te siente dint' ê ppene.

Ma è maje possibile

Ch'esce 'na lacrema

A dint'a 'st'uocchie, oje nè?

Tu 'o ssaje ca 'e llacreme

'St'uocchie t' 'e sciupano.

Tu 'o ssaje cchiù meglio 'e me.

Ammore 'e femmena

È 'nu ricamo 'e chiacchiere:

Parole ca lusingano,

Prumesse ca se scordano.

È 'na buscia,

'Mpastata 'e mele e zuccaro,

'Na fantasia

Ca vene e se ne va.

Quanta miracule

Pò fà 'na femmena

Si 'a lassa 'o 'nnammurato.

Ma 'nu remmedio

S' 'o trova subbeto,

Se calma e penza a 'n'ato.

Comme s'attaccano,

Se ponno sciogliere

Tutt' 'e ccatene, oje nè.

È accussì facile

A cagnà maschera

Comme faje tu cu mme.

Ammore 'e femmena

È 'nu ricamo 'e chiacchiere:

Parole ca lusingano,

Prumesse ca se scordano.

È 'na buscia,

'Mpastata 'e mele e zuccaro,

'Na fantasia

Ca vene e se ne va.

Tu mò, sentennome,

Te miette a ridere,

Me faje 'stu pizzo a riso.

Sì amara e spruceta,

Sì doce e affabile,

Ll'Inferno e 'o Paraviso.

E tu saje ridere

Pe' me fà dicere

Chello ca dice tu.

Ma nun 'o perdere

'Stu tiempo, è inutile,

Io nun te credo cchiù!

Ammore 'e femmena

È 'nu ricamo 'e chiacchiere:

Parole ca lusingano,

Prumesse ca se scordano.

È 'na buscia,

'Mpastata 'e mele e zuccaro,

'Na fantasia

Ca vene e se ne va.