Vi skal ikkje sova [bort sumarnatta] lyrics

Vi skal ikkje sova bort sumarnatta,

ho er for ljos til det.

Då skal vi vandra isaman ute,

under dei lauvtunge tre;

under dei lauvtunge tre.

Då skal vi vandra i saman ute,

der blomar i graset står.

Vi skal ikkje sova bort sumarnatta,

som kruser med dogg vårt hår;

som kruser med dogg vårt hår.

Vi skal ikkje sova frå høysåteangen

og grashoppespelet i eng,

men vandra i lag under bleikblå himlen

til fuglane lyfter veng;

til fuglane lyfter veng.

Og kjenna at vi er i slekt med jorda,

med vinden og kvite sky,

og vita at vi skal vera i saman

like til morgongry;

like til morgongry.