Skihpáraččat lyrics

Don leamašan mu buoremus skihpár

das rájes go munno hiitamis vel lei lihpar

seamma sáttokássas duhkorattaime

vuoigaságas gal maid nárrohattaime

Don hutkkatge álo buot suohttasiid

dallege go gárte garret vel bohtásiid

váivi illun nu fáhkka molsašuvvá

buđetgarra go gáhttui liibmašuvvá

Ovttas dál skuvlla vázze - moai

ovttas maid leavssuid lohke - moai

ovttas suoli nieiddaid vilpo - moai

ovttas dasto ruoktot dempo - moai

Don skateboardda munnje mielas luoikkat

vaikko bivastagat dego guoikkat

iskkan hárjehallat, go mu oahpahat

čeahppi šaddan lean, go viimmat loahpahat

Don it goasse stuorra gánddain bala

mu bealuštat vaikko dat nu vigget ala

buoremus skihpár don leat álo munnje

buoremus skihpár lean mun álo dutnje