Matremmònio lyrics

Isso è muto. Essa è sórda. ‘A che so' nate!

Ma intanto se spusàino alleramènte…

E pe fà ‘a fèsta assaje chiù divertènte

ce jètte ‘o cuncertino d’ ‘e cecate.

Ah! ll’augurie busciarde d’ ‘e mmitate…

Ma ‘a spósa sórda nun sentètte niénte!

E ‘o spóso muto, cunuscènno ‘a gènte,

penzaje ca ‘e mute sóngo affurtunate…

Restate sule, fùino chiù felice:

sènza parlà, sènza di’ manco n’a,

sènza ‘e buscìe ca ‘o spóso o ‘a spósa dice…

E chéllo ca succède succedètte:

dòppo sèje anne, mo tèneno già

sèje figlie, e n’ato vène, e sóngo sètte!