Iloilo City Hymn – Himno sang Dakbanwa sang Iloilo lyrics

Puluy-an ka sang mga dungganon

Guindihon sa imong gugmang bilidhon

Namat-an sang mga baganihan

Nakigbato para sa kahilwayan

Dunang manggad sa amon guin-aman

Manggaran sa kulturang kinaadman

May maragtas nga madinu-agon

Bulawanon ang mga palanublion

Iloilo, Iloilo

Dakbanwa kong nahamut-an

Iloilo, Iloilo

Bugal magpadulong diin man

Tampad nga magpabilin sa imo

tungod palangga ko

Dakbanwang Iloilo, Bugal ko!

Himpit nga gugma sa imo ihalad

Sakdagon ang imo katuyuan

Itib-ong ang Kauswagan

Padayon nga ma-angkon ang katin-aran

Iloilo, Iloilo

Dakbanwa kong nahamut-an

Iloilo, Iloilo

Bugal magpadulong diin man

Tampad nga magpabilin sa imo

tungod palangga ko

Dakbanwang Iloilo, Bugal ko!

Himpit nga gugma sa imo ihalad

Sakdagon ang imo katuyuan

Itib-ong ang Kauswagan

Padayon nga ma-angkon ang katin-aran