Ало, шодоб соҳилҳо [Alo Shodob Sohilho] [Transliteration]

Ҷонибек:

Ало, шодоб соҳилҳо,

Ба қадри обҳои ҷорӣ мебояд расид имрӯз

Ки рӯзе хушк хоҳад шуд.

Валиҷон:

Ало, зебои маҳфилҳо,

Ба қадри ҳар чароғи давра мебояд расид имрӯз,

Ки рӯзе аз шамоли ҳодиса хомӯш хоҳад шуд.

Ҷӯрабек:

Ало, раҳҷӯи манзилҳо,

Ба қадри раҳкушои аввалин бояд расид имрӯз,

Ки фардои шумо ҳам як замоне дӯш хоҳад шуд.

Ҷонибек:

Шумо имрӯз агар аз толеъу бахту насиби хештан мастед,

Дар оғӯши биҳишти дилбарони гулбадан мастед,

Валиҷон:

Зи атри гесувону кокулони пуршикан мастед,

Замоне завқатон аз кори дунё пир хоҳад шуд,

Замоне навбати базми муҳаббат дер хоҳад шуд.

Ҷӯрабек:

Ало, шодоб соҳилҳо,

Ба қадри обҳои ҷорӣ мебояд расид имрӯз

Ки рӯзе хушк хоҳад шуд.

Ало, зебои маҳфилҳо,

Ба қадри ҳар чароғи давра мебояд расид имрӯз,

Ки рӯзе аз шамоли ҳодиса хомӯш хоҳад шуд.

Ҷонибек:

Ало, эй соҳибони вақт,

Вақти хеш дарёбед.

Шумо ҳоло ҷавону комрону шодмону зиндаед охир!

Чу рӯзе бар мазори сард мехобед,

Аҷал баҳри шумо фурсат нахоҳад дод,

Валиҷон:

Ки ҳар нодидаро бинед,

Гули ночидаро чинед,

Ва як дам дар ғами гумкардаҳои хештан гирйед,

Ва як дам он чиро нагрифта будед аз ҷаҳон, гиред.

Ҷӯрабек:

Ало, шодоб соҳилҳо,

Ба қадри обҳои ҷорӣ мебояд расид имрӯз

Ки рӯзе хушк хоҳад шуд.

Ҷӯрабек+Ҷонибек+Валиҷон:

Ало, зебои маҳфилҳо,

Ба қадри ҳар чароғи давра мебояд расид имрӯз,

Ки рӯзе аз шамоли ҳодиса хомӯш хоҳад шуд.