حقى [7a22y] [English translation]

طب مين يفكر و كل الناس بالغير مشغولة

و مين يتحاسب لما كل سلطة مش مسئولة

فين الرجولة لما نسيوا يوم كل اللي فاتوا

مع السلامة باعوا خانوا نادوا قالوا هاتوا

هاتوا إللي ماتوا نحلف و نقول كنا معاكوا

ليه العقول بتنكر كل الحقيقة واضحة

تسأل عنيك و شايفة شمس الحقيقة فاضحة

تكشف مين إللي كاذب

توضح كل المعالم

تعرف من جوا قلبك

ما دام الحق غالب

لساك تايه و شايف

في عكس النور ملامح

وشوش عمالة تصرخ

والغدر سلاحه دابح

جوايا صراع و عايش ما دام أنا لسه فيها

هصدق مين و اكذب و أنا بعشق عينيها

.......

وفر دموعك ليوم الفرح .. لما تجيب حق اللي راح وانجرح ..

وفر كل الكلام وسيب الايام .. تكتب الدرس وترسم كل الأحلام ..

......

وسط زحمة الحياة فتحت كتاب مسطر

مكتوب بخط إيدي عنوانه لسه هقدر

مهما كان الكل خايف

مهما باع فينا الصحاب

مهما كان الحلم خايف إنه يتحول سراب

حتى لو إيدي قصيرة

لسه فينا عيون بصيرة

شافت بكرة بيبتسم

شايفة في الوحدة الوسيلة

خايف إنه يهون يسامح

ينسى حق أخونا ضاع

طول ما فينا النبض عايش

مستحيل نقول وداع

مستحيل تهون عيونهم

مستحيل أنسى الأسى

مستحيل تغفل جفونا

مستحيل راح يتنسى

يتنسى حلم الرجوع

يتنسى كتر الدموع

يتمحى إسم الشهيد في المدينة و النجوع

لسه فاكر اللي ما ماتوا أيوه سامع ذكرياته

عاللي شافه و إللي عاشه

ده إللي ليكوا فات حياته

أيوه ثابت مهما قالوا و مهما زاد كتر الأسى

حبني من عضم الشهيد للي خانوا محبسه

.......

وفر دموعك ليوم الفرح .. لما تجيب حق اللي راح وانجرح ..

وفر كل الكلام وسيب الايام .. تكتب الدرس وترسم كل الأحلام ..

.......