Anghelos [English translation]

Anghelos chi cantades a luche 'e luna,

fizos de panas, mamas chen’e fortuna,

fachidenos intrare in cuss'aposentu

inue sos annos torran a passu lentu.

Animas de sos mannos irmenticados,

boches de sos cumpanzos malasortados,

fachide chi sa zente non siat in gherra,

s'intendat sonu 'e pache subra sa terra.

B'at un'istella a palas de custu chelu,

tenet birgonza manna 'e si facher bier:

cust' istelledda nostra cando b'at ghelu

bessit a fora alluta e nos fachet die.

Anghelos chi cantades a luche 'e luna,

frores de custu chelu colore 'e pruna,

fachide chi su tempus torret a inoche

a cando custa terra fit "una 'oche".

B'at un'istella a palas de custu chelu,

tenet birgonza manna 'e si facher bier:

cust' istelledda nostra cando b'at ghelu

bessit a fora alluta e nos fachet die.

Anghelos chi cantades a luche 'e luna,

fizos de panas, mamas chene fortuna,

fachidenos cantare a boche isparta,

brinchet sa oche in chelu e siat sa prus arta.